Нашите вредности
Во 2000 година почнавме од почеток, но знаевме каде одиме и кон што целиме. Имавме идеали, знаење, технологија и најважно од сѐ - јасни цели. Денес сме една од водечките компании за производството и дистрибуција на вода и освежителни пијалаци во Македонија и ги инвестираме наши ресурси и ентузијазам во насока нашите производи да станат достапни до нови клиенти низ светот.
Над 100 вработени во нашата компанија ја делат подеднакво истата страст за извонредност, усовршување, најсовремена продукција и посветеност да донесеме насмевка и задоволство на секој потрошувач што го имаме.
Еколошка свест
Една од нашите главни цели е еколошката свест и грижата за животната средина. Токму затоа го имплементиравме и работиме согласно барањата на стандардот за управување со животна средина ISO 14001:2015.
Општествена одговорност
Ние сме и ќе останеме општествено одговорна компанија, која заедно со своите потрошувачи работи на создавање на подобро утре и постојана афирмација на нови иновативни и квалитетни производи.
Стремење кон подобри навики
Нашите секојдневни активности вклучуваат поддршка на настани кои го поттикнуваат и охрабруваат општеството да се движи кон подобри насоки. Активност од мали нозе, фокус на здравјето и спортот, како и грижа за себе си и животната средина, се водечки прироритети на нашата компанија.
Како работиме?
Нашата фабрика во с.Вакав, Кратовско, располага со комплетно автоматизирана линија за полнење на неповратна стаклена и PEТ амбалажа со капацитет од 12.000 l/h и комплетно автоматизирана сирупана, во согласност со законските прописи и сите правила за добра производна пракса.
Од изворот до погонот за полнење, водата се транспортира низ затворен систем целосно заштитен од сите надворешни влијанија. Во погонот се врши механичко филтрирање и апсолутна 0.2μ ултрафилтрацијa со цел задоволување на барањата на сертифицираниот стандард за управување со безбедност на храна ISO 22000:2018
Пакуваниот производ, подготвен за консумација, се дистрибуира до продажните и угостителските објекти во строго контролирани услови, со сопствен возен парк.
