Внимателно одбрана селекција на 3 вина од Монтеко Винарија. Сетот претставува одличен избор за љубителите на врвните вина, корпоративни подароци, празнични пригоди и специјални прослави. Совршена комбинација на елеганција и квалитет која остава траен впечаток.

Сетот содржи:

1 шише Монтеко Вранец 0.75л.

1 шише Монтеко Каберне Совињон 0.75л. 

1 шише Монтеко Мерло 0.75л. 

Совршен избор за љубителите на виното, деловни подароци, родендени, јубилеи и други свечени пригоди. Префинетиот изглед на пакувањето остава впечаток уште при првото отворање, додека чашите го комплетираат винското доживување.

Сетот содржи:

1 шише Монтеко Винарија Волкано 0.75л. 

2 брендирани Монтеко вински чаши

Суво црвено вино создадено од внимателно избрана купажа на сортите Мерло, Каберне Совињон и Вранец, која хармонично ги обединува мекоста и овошниот карактер на Мерло, структурата и комплексноста на Каберне Совињон и препознатливата полна нота на Вранец.

Богато, избалансирано и питко, ова вино се одликува со полн вкус, пријатна текстура и долг, хармоничен завршеток, што го прави одличен избор за секојдневно уживање, дружења и посебни моменти.

Одлично се комбинира со црвени меса, традиционални специјалитети и сирења.

Препорачана температура на сервирање: 16–18°C.

Суво бело вино создадено од внимателно избрана купажа на сортите Темјаника и Шардоне, која совршено ја спојува препознатливата ароматичност и свежина на Темјаниката со елегантната структура и полниот вкус на Шардоне.

Хармонично избалансирано и освежително, ова вино се одликува со пријатна текстура, жив карактер и долг, елегантен завршеток, што го прави идеален избор за секојдневно уживање, дружења и посебни моменти.

Одлично се комбинира со рибни и морски специјалитети и разновидни сирења.

Препорачана температура на сервирање: 8–9°C.

Елегантно суво розе вино произведено од внимателно одбрано грозје од сортата Каберне Совињон, одгледувано во сопствени лозови насади во регионот на Кратово.

Се одликува со нежна розово-црвеникава боја и свеж, овошен карактер. Во аромата доминираат ноти на вишна, надополнети со суптилни цветни и хербални нијанси. На непцето нуди препознатлива свежина, сув стил и лесно тело, со хармоничен и пријатен завршеток.

Совршено се комбинира со морски плодови, сирења, кашкавал и различни видови паста.

Препорачана температура на сервирање: 8–10°C

Каберне Совињон од селектирано сопствено лозје на вулканските почви во Кратово (над 600 м н.в.). Рачна берба, зреена 14 месеци во буриња Seguin Moreau Icône. Ова вино се одликува со графитни ароми, ноти на црвено овошје, зачини и чиста свежина. Вистинско отелотворение на македонскиот тероар.

Одлично се комбинира со црвени меса, црно чоколадо, ореви, суви сливи или смокви.

Препорачана температура на служење: 16 - 18 °C.

*Со секое нарачано шише Волкано 0,75л. добивате гратис брендирана кеса од Винарија Монтеко.

Монтеко Вранец потекнува од сончевите Дисански лозја. Се одликува со богати ноти на суви црни овошја, сладунец и изразита киселост. Моќно и динамично вино со суптилни дабови тонови и долг, пикантен завршеток. Автентичен глас на македонскиот југ.

Одлично се комбинира со печено јагне, телешка коленица во кајмак или галичко овчо сирење со џем од боровинки.

Препорачана температура на служење: 16 - 18 °C.

Од лозјата под вулканските височини на Кратово, нашето каберне совињон е спој од ароми на свежо црвено овошје, пикантни ноти и димени дабови нијанси. Свежо, елегантно и со долготраен вкус, ова вино е олицетворение на планинскиот дух.

Идеално се комбинира со бифтек, рамстек или печени ребра со рузмарин и карамелизирани моркови.

Препорачана температура на служење: 16 - 18 °C.

Изразито Мерло со киселкасти ноти на црни цреши, кисела слива и диви билки. Кадифените танини и природната овошна сладост од зрелите гроздови зрна придонесуваат за долг и сочен завршеток. Ова вино ја одразува нашата посветеност кон лозјата и винското мајсторство во визбата.

Совршено се комбинира со бавно печен бут, пире од целер, тестенини со вргањ и мајчина душица или декадентна чоколадна торта со вишни.

Препорачана температура на служење: 16 - 18 °C.

Живописно и елегантно црвено вино со ароми на зрела капина, цреша и слива. Создадено без примена на даб за да се нагласи чистиот и природен планински карактер. Се одликува со свиленкасти танини, суптилен тон на бибер и нежен, долготраен завршеток.

Идеално се комбинира со дивеч, печено говедско и тврди овчи сирења.

Препорачана температура на служење: 16 - 18 °C.

Смел и префинет спој од Мерло и Каберне Совињон од високопланински лозја. Ладните ноќи ги зачувуваат живите ароми и природната киселост, додека, пак, продолжената мацерација на ниски температури дава ароми на темни бобинки, зачини и цветни ноти со мека и суптилна текстура. Кадифените танини и мајсторското винарство го отсликуваат богатството на винските сорти и чистотата на планинскиот тероар.

Одлично се комбинира со коленица, ребра, јагнешки котлети или сино сирење за врвно гастрономско уживање.

Препорачана температура на служење: 16 - 18 °C.

Монтеко Шардоне ќе ве освои со својот карактер исполнет со свежа киселост и суптилна зрелост. Ова вино се одликува со ноти на орев, ароми на крцкава кора од леб и сочни овошки кои придонесуваат за изразито пријатен и благо горчлив завршеток.

Одлично се комбинира со морски деликатеси и разновидни сирења.

Препорачана температура на служење: 9 °C.